Якую банкаўскую аплатную картку лепш браць ў паездку за мяжу?

Каб пазбегнуць канвертавання валют і, адпаведна, дадатковых выдаткаў, лепш з сабой браць картку ў той валюце, у якой вы збіраецеся расходаваць грашовыя сродкі.

У нашым банку можна выпусціць банкаўскую плацежную картку ў беларускіх рублях, доларах ЗША і еўра.

У выпадку, калі аперацыя здзяйсняецца ў валюце рахунку, то канвертацыі валют адбывацца не будзе, з рахунку спішацца сума роўная суме плацяжу.

Калі за межамі РБ вы разлічваецеся ў еўра або доларах ЗША і валюта рахунку, да якога выпушчана картка, адрозная ад еўра і долараў ЗША, сума пакупкі будзе спісана ў валюце рахунку па курсе, устаноўленым банкам.

Калі за межамі РБ вы разлічваецеся ў валюце, адрознай ад долараў ЗША і еўра і валюта рахунку, да якога выпушчана картка, адрозная ад долараў ЗША, то сума пакупкі будзе спісана з вашага рахунку па курсе, устаноўленым банкам з улікам крос-курсу плацежнай сістэмы (пры гэтым выкарыстоўваецца курс валюты пакупкі да курсу даляра ЗША).

Напрыклад, калі вы здзяйсняеце аперацыю ў грыўнях па картцы ў беларускіх рублях, валютна-абменная аперацыя ажыццяўляецца наступным чынам:

1. сума пакупкі будзе пераведзена з грыўняў у даляры ЗША па курсе плацежнай сістэмы;
2. сума ў доларах ЗША будзе пералічана ў валюту рахунка па курсе, устаноўленым банкам на дзень аплаты (банк прымяняе курс на дату, указаную аплатнай сістэмай як дату здзяйснення аперацыі. Як правіла, дата фактычнага здзяйснення аперацыі і дата, перададзеная банку аплатнай сістэмай, аднолькавыя. Аднак у сувязі з наяўнасцю розніцы ў часе і тэхнічнымі асаблівасцямі перадачы дадзеных, даты могуць не супадаць);
3. атрыманая ў п.2 сума ў беларускіх рублях будзе спісана з вашага рахунку.

Калі ваш рахунак у доларах ЗША, то з дадзенай схемы выключаецца п.2.

Такім чынам, калі вы плануеце наведаць краіны еўра зоны, у якіх мясцовай валютай з'яўляецца еўра, найлепш узяць з сабой картку ў еўра, у любых іншых краінах аптымальна будзе выкарыстоўваць картку ў доларах ЗША.

Варта таксама адзначыць, што курсы міжнародных плацежных сістэм, як правіла, больш выгадныя за курсы куплі валюты ў абменных пунктах.

Часам пры аплаце пакупак касіры прапануюць некалькі валют на выбар для аплаты. У дадзенай сітуацыі мы рэкамендуем заўсёды выбіраць валюту той краіны, у якой вы знаходзіцеся, нават калі ваша картка ў доларах ЗША і вам прапануюць выбраць гэтую валюту для аплаты. У такіх выпадках сума пакупкі пералічваецца ў даляры ЗША па курсе арганізацыі гандлю і сэрвісу, які, як правіла, не так выгадны як курс плацежнай сістэмы.