Аб наглядальным савеце ААТ «Белаграпрамбанк»
Наглядальны савет ААТ «Белаграпрамбанк» (далей – банк) з'яўляецца калегіяльным органам кіравання банка, які ажыццяўляе агульнае кіраўніцтва дзейнасцю банка, за выключэннем вырашэння пытанняў, аднесеных заканадаўствам і Статутам банка да кампетэнцыі іншых ворганаў кіравання банка.
Наглядальны савет банка абраны ў складзе 11 асобаў, што адпавядае Статуту банка: сярод іх 3 асобы – прадстаўнікі дзяржавы (27,3 %), 4 – незалежныя дырэктары (36,4 %).
36,4 % у складзе наглядальнага савета банка складаюць жанчыны.
Сярэдні ўзрост чальцоў наглядальнага савета банка складае 57 гадоў.
Патрабаванні да кандыдатаў у склад наглядальнага савета і працэдура іх падбору ўсталяваныя Палажэннем аб наглядальным савеце ААТ «Белаграпрамбанк».
Наглядальны савет банка штогод праводзiць унутраную ацэнку эфектыўнасцi дзейнасцi праўлення, карпаратыўнага ўпраўлення банка, якая ўключае ў сябе ацэнку эфектыўнасцi дзейнасцi наглядальнага савета банка, яго чальцоў, самаацэнку эфектыўнасцi дзейнасцi чальцоў наглядальнага савета банка, ацэнку эфектыўнасцi працы незалежных дырэктараў, вынiкi якой улiчваюцца пры планаваннi навучання чальцоў наглядальнага савета, праўлення і матывацыі іх дзейнасці.
Наглядальны савет банка ажыццяўляе сваю дзейнасць у адпаведнасці з заканадаўствам, Статутам ААТ «Белаграпрамбанк», Палажэннем аб наглядальным савеце ААТ «Белаграпрамбанк», іншымі лакальнымі прававымі актамі банка і рашэннямі агульнага сходу акцыянераў банка.
Наглядальны савет ажыццяўляе дзейнасць на планавай аснове.
Асноўнымі функцыямі наглядальнага савета банка з'яўляюцца:
- пытанні агульнага кіраўніцтва дзейнасцю банка;
- пытанні, звязаныя з кампетэнцыяй у галіне кадраў;
- пытанні, звязаныя з правядзеннем агульнага сходу акцыянераў;
- пытанні, звязаныя з выпускам і набыццём каштоўных папер;
- пытанні, звязаныя з маёмасцю і здзелкамі банка;
- пытанні, звязаныя з адасобленымі падраздзяленнямі і юрыдычнымі асобамі;
- прыняцце рашэнняў і зацверджанне іншых дакументаў, у тым ліку лакальных прававых актаў, накіраваных на рэалізацыю кампетэнцый наглядальнага савета, прадугледжаных заканадаўствам, Статутам банка, іншымі лакальнымі прававымі актамі банка, і іншае.
Цягам 9 месяцаў 2024 года адбылося 17 паседжанняў наглядальнага савета банка.
