Вынікі працы Белаграпрамбанка за 2021 год
3 лютага 2022 года ў ААТ "Белаграпрамбанк" былі падведзены вынікі дзейнасці за 2021 год. За справаздачны перыяд банк прадэманстраваў паспяховае выкананне асноўных паказчыкаў развіцця.
Банк забяспечыў дасягненне планаў, якія стаялі перад ім у 2021 годзе, у тым ліку па чыстым прыбытку, які склаў 67,6 млн бел.руб.
Дастатковасць нарматыўнага капіталу на 01.01.2022 склала 16 % пры ўстаноўленым Нацыянальным банкам Рэспублікі Беларусь нарматыўным значэнні 12,5 %.
Прырост сродкаў карпаратыўнага бізнэсу па выніках 2021 года склаў 628 млн. руб. Крэдытны партфель карпаратыўных кліентаў у беларускіх рублях павялічыўся на 600 млн. бел.руб (+14%). Прырост сродкаў фізічных асоб склаў 202 млн. руб. Крэдытная запазычанасць фізічных асоб дасягнула 785 млн. руб. (12%).
У сферы карпаратыўнага бізнесу банк захаваў лідзіруючыя пазіцыі ў банкаўскай сістэме па прыцягненню сродкаў карпаратыўных кліентаў - па тэрміновых дэпазітах у бел.руб. банк займае 1-е месца, па тэрміновых дэпазітах у замежнай валюце - 2-е месца. Банк захаваў 2-ю пазіцыю па памеры крэдытнага партфеля юрыдычных асоб у нацыянальнай валюце і замежнай валюце. У 2021 годзе банк працягваў работу па развіццю аграэкатурызму, сеткі каваркінг-цэнтраў як важнага інструмента падтрымкі кліентаў МСП.
У галіне рознічнага бізнесу ў справаздачным годзе быў ажыццёўлены шэраг праектаў: выведзены на рынак картка для аўтамабілістаў "Драйв", крэдытная картка "Суперсіла", картка з чатырма праграмамі лаяльнасці " ПерекрестОК", мадыфікаваны Дзіцячая і Дэпазітная карткі банка, пашыраны функцыянал СДБА, паспяхова завершаны праект па ўкараненні кропак продажаў новага фармату без кас, рэалізавана магчымасць дастаўкі карткі кліенту поштай і інш.
У частцы міжнароднага бізнесу банка адзначаны рост сродкаў, прыцягнутых ад нерэзідэнтаў. У 2021 годзе Белаграпрамбанк ажыццявіў прыцягненне сіндыкаванага крэдыту ад вядучых расійскіх банкаў і стаў адзіным сярод беларускіх банкаў, якому ўдалося паспяхова рэалізаваць здзелку на рынках даўгавога капіталу ў 2021 годзе. Летась Белаграпрамбанкам падпісаны шэраг пагадненняў з усходнімі партнёрамі. У банку Народнай Кітайскай Рэспублікі на імя ААТ "Белаграпрамбанк" адкрыты карэспандэнцкія рахункі, што значна пашырыць магчымасці кліентаў па вядзенні бізнесу ў Кітаі. Падпісаны таксама пагадненні аб супрацоўніцтве з шэрагам узбекскіх банкаў.
У 2022 годзе дзейнасць Белаграпрамбанка будзе накіравана на выкананне задач, вызначаных Стратэгічным планам развіцця на 2022-2024 гады, забеспячэнне ўстойлівасці рэсурснай базы, захаванне крэдытнай падтрымкі кліентаў банка, павышэнне аперацыйнай эфектыўнасці. Будзе праводзіцца актыўная работа па павышэнні эфектыўнасці дзейнасці пунктаў продажу, працягнецца стварэнне зон самаабслугоўвання кліентаў і phygital-офісаў на базе пунктаў продажаў, размешчаных у буйных і сярэдніх гарадах. У бягучым годзе банк прапануе новыя прадукты, гульні, акцыі раздробным і карпаратыўным кліентам, будзе працаваць над развіццём лічбавых каналаў продажаў.
