"АГРА 3.0": ад бізнес-ідэі да яе рэалізацыі
Завяршыўся Рэспубліканскі адукацыйны конкурс па падтрымцы і развіццю маладзёжнага прадпрымальніцтва "АГРА 3.0", арганізаваны ААТ "Белаграпрамбанк" і Аб'яднанай прафсаюзнай арганізацыяй у год 30-годдзя банка.
Без малога 100 дзён праект трымаў у тонусе ўдзельнікаў і арганізатараў. Маштабную працу правялі члены журы - эксперты з дзяржсектара і розных сфер бізнесу, прадстаўнікі вышэйшых навучальных устаноў.
Удзельнікі, маладыя грамадзяне Рэспублікі Беларусь ва ўзросце да 31 года, змагаліся за галоўныя прызы ў намінацыях "Лепшае кейс-рашэнне" і "Лепшая бізнес-ідэя". У кожнай намінацыі - па тры катэгорыі. Менавіта таму конкурс унікальны яшчэ і колькасцю пераможцаў - іх 18.
- Што нас па-добраму здзівіла на самым старце, - падзяліўся намеснік Старшыні Праўлення ААТ "Белаграпрамбанк" Сяргей Чугай, - дык гэта лічба ў 500 удзельнікаў. Розныя біяграфіі, розныя тэмы. Гэта сведчыць аб патэнцыяле, які яшчэ шмат у чым не раскрыты і рэалізацыя невялікай долі якога дасць прыкметны эканамічны і сацыяльны эфект. Мы як банк усяляк будзем гэтаму садзейнічаць. Ёсць цэлая інфраструктура - мы стварылі цэнтры прыцягнення па ўсёй краіне, якія ў тым ліку будуць развіваць падобныя ініцыятывы.
Геаграфія конкурса ахоплівае ўсю краіну.
Удзельнікі, маладыя грамадзяне Рэспублікі Беларусь ва ўзросце да 31 года, змагаліся за галоўныя прызы ў намінацыях "Лепшае кейс-рашэнне" і "Лепшая бізнес-ідэя". У кожнай намінацыі - па тры катэгорыі. Менавіта таму конкурс унікальны яшчэ і колькасцю пераможцаў - іх 18.
У летні сонечны дзень пераможцы, журы, арганізатары і кіраўніцтва банка сабраліся падвесці вынікі праекту.
Намінацыя "Лепшае кейс-рашэнне"
![Пераможцы ў катэгорыі "Сельская гаспадарка і фермерства"](/upload/sprint.editor/cd6/bmiemuwfhwe0k8gh2c9s1ir5jgmbj6cw/20_D1_81_D0_B5_D0_BB_D1_8C_D1_81_D0_BA_D0_BE_D0_B5_20_D1_85_D0_BE_D0_B7_D1_8F_D0_B9_D1_81_D1_82_D0_B2_D0_BE.jpg)
Ніна Жалязнова, дырэктар даччынай гаспадаркі Белаграпрамбанка ААТ "Азярыцкі-Агра", член Савета рэспублікі Нацыянальнага сходу, намеснік старшыні журы, уразіла ўсіх сваімі шчырымі, праніклівымі словамі:
— Беларусь — гэта прыгажосць, сіла, цнатлівасць, добразычлівасць, спагада, моц, гонар. Што датычыць мяне, я нарадзілася ў вёсцы, атрымала сельскагаспадарчую адукацыю. Зямля для мяне ўсё. Прафесію маю таксама стварыла зямля — 17 гадоў працавала галоўным аграномам. І хачу сказаць: Радзіма пачынаецца з зямлі і сям'і.
![Пераможцы ў катэгорыі «Сфера паслуг»](/upload/resize_cache/sprint.editor/194/zorpe9f5ka8x6yvgbm4fz8y9an0q7hjc/1640_900_1/20_D1_81_D1_84_D0_B5_D1_80_D0_B0_20_D1_83_D1_81_D0_BB_D1_83_D0_B3.jpg)
Наталля Мельнічэнка, гаспадыня аграсядзібы «Утрына», намеснік старшыні журы фіналу конкурсу, адзначыла: «Я ўдзельнічала ў «АГРА 2.0» і «АГРА 3.0». Выказваю вялікую ўдзячнасць гэтаму конкурсу і яго ўдзельнікам за тое, што з кожным годам, кожным новым этапам разам з імі сама расту і ўдасканальваюся. Растуць і ўдасканальваюцца аказваемыя маім прадпрыемствам паслугі. А што такое сектар паслуг? Гэта вялізны пласт нашай агульнай нацыянальнай гаспадаркі: чым бы мы ні займаліся, усе мы спажыўцы і жадаем атрымліваць якасныя паслугі. А для гэтага неабходна аб'яднаць намаганні і выкарыстоўваць новыя тэхналогіі, інавацыі. Атрымалася, мне здаецца, у рабят выдатна».
![Пераможцы ў катэгорыі "Сацыяльнае прадпрымальніцтва"](/upload/resize_cache/sprint.editor/1ce/bfv08jlcj9f5q5o6ixsm6g5cqihsuxd7/1640_900_1/20_D1_81_D1_84_D0_B5_D1_80_D0_B0_20_D0_BF_D1_80_D0_B5_D0_B4_D0_BF_D1_80_D0_B8_D0_BD_D0_B8_D0_BC_D0_B0_D1_82_D0_B5_D0_BB_D1_8C_D1_81_D1_82_D0_B2_D0_BE.jpg)
Старшыня Аб'яднанай прафсаюзнай арганізацыі ААТ «Белаграпрамбанк», сустаршыня аргкамітэта конкурсу Наталля Мармузевіч адзначыла: «Сацыяльнае прадпрымальніцтва — тэма, сугучная з каштоўнасцямі, якія вызнаюцца намі як прафсаюзнай арганізацыяй, мэта і задача якой рабіць усё на карысць чалавека і грамадства. Прафсаюзная арганізацыя банка яшчэ раз прааналізуе ўсе працы фіналістаў і адзін з праектаў возьмем для рэалізацыі».
Намінацыя "Лепшая бізнес-ідэя"
![Пераможцы ў катэгорыі "Інавацыйны банкаўскі сэрвіс, новы банкаўскі прадукт"](/upload/resize_cache/sprint.editor/4c3/rfvpzl8er2q58kg3r1zq9lz1923wfb50/1640_900_1/20_D0_98_D0_BD_D0_BD_D0_BE_D0_B2_D0_B0_D1_86_D0_B8_D0_BE_D0_BD_D0_BD_D1_8B_D0_B9_20_D0_B1_D0_B0_D0_BD_D0_BA_D0_BE_D0_B2_D1_81_D0_BA_D0_B8_D0_B9_20_D1_81_D0_B5_D1_80_D0_B2_D0_B8_D1_81.jpg)
«Укладваць у людзей, якія хочуць ствараць, азначае інвеставаць у будучыню краіны. Белаграпрамбанк сёння дзеліцца сваім рэсурсам, каб заўтра з вас выраслі класныя, паспяховыя прадпрымальнікі», - з веданнем справы падкрэсліў начальнік Стартап-цэнтра БДУ, член журы Дзмітрый Мікулка.
![Пераможцы ў катэгорыі «Экалогія»](/upload/resize_cache/sprint.editor/00f/h17los33zrqh4p1znw4dqvskbc56q63c/1640_900_1/20_D0_AD_D0_BA_D0_BE_D0_BB_D0_BE_D0_B3_D0_B8_D1_8F.jpg)
Дзмітрый Крупскі, начальнік упраўлення эканомікі інавацыйнай дзейнасці Міністэрства эканомікі Рэспублікі Беларусь, член журы конкурсу, аб стартап-руху ведае не па чутках і адной з сучасных задач лічыць аб'яднанне намаганняў для таго, каб ператварыць стартапераў у паўнацэнны інавацыйны бізнес:
— Мы жывем у такі час, калі тое, што здавалася непарушным, мяняецца літаральна за лічаныя гады, на нашых вачах мяняецца свет. Было так і раней, але зараз час сціскаецца каласальна. Вось і пытанні, звязаныя з цыркулярнай эканомікай, вуглевадародным следам, рэцыклінгам, выходзяць у трэнд. А паколькі свет мяняецца, роля кожнага, хто валодае актуальнымі ведамі, хваткай, воляй, становіцца вызначальнай.
Белаграпрамбанк, каманда з самавітай гісторыяй, добрымі традыцыямі, моцнай рэгіянальнай сеткай, выступіў піянерам у пабудове новай для нашай банкаўскай сістэмы мадэлі - цэнтры прыцягнення. Упэўнены, што конкурс бізнес-праектаў будзе мець працяг і стане кузняй кадраў для беларускага бізнесу.
![Пераможцы ў катэгорыі «Лічбавізацыя бізнесу»](/upload/sprint.editor/e0e/56y09ziv1xyi24qes0utrpz1bmvr0cn5/20_D0_A6_D0_B8_D1_84_D1_80_D0_BE_D0_B2_D0_B8_D0_B7_D0_B0_D1_86_D0_B8_D1_8F_20_D0_B1_D0_B8_D0_B7_D0_BD_D0_B5_D1_81_D0_B0.jpg)
Першы намеснік міністра сувязі і інфарматызацыі Павел Ткач падзяліўся ўражаннямі:
- Уражаны высокім узроўнем дэталізацыі прапрацоўкі праектаў. Некаторыя хоць заўтра на стол - яны могуць працаваць і прыносіць грошы. У нашай краіне цыфравізацыі надаецца вялікая ўвага. Таму вельмі добра, што і на конкурсе выдзелена такая катэгорыя.
- Ззаду 100 дзён актыўнай, насычанай работы, - рэзюмаваў Максім Басалыга, намеснік дырэктара Цэнтра па рабоце з персаналам ААТ "Белаграпрамбанк", старшыня аргкамітэта конкурсу "АГРА 3.0". - Спакою не было ні дня: увесь час гучалі пытанні і прапановы, і гэта кажа пра тое, што вы сапраўды актыўная частка моладзі, на якую ўсе мы можам спадзявацца. За вамі будучыня, як пафасна б гэта ні гучала. А наконт ідэй, якія ў вас будуць з'яўляцца, ведайце, што Белаграпрамбанк — гэта той банк, які іх абавязкова разгледзіць і дапаможа рэалізаваць.
![](/upload/resize_cache/sprint.editor/083/o91lca2e6jy6xm9ccev0mu0l062nxgrl/1640_900_1/20_D0_BA_D0_BE_D0_BD_D0_BA_D1_83_D1_80_D1_81_D0_B0_20_D0_90_D0_93_D0_A0_D0_9E_203.0_20_D0_BE_D0_B1_D1_89_D0_B5_D0_B5_20_D1_84_D0_BE_D1_82_D0_BE.pdf_1.jpg)
Усім пераможцам нададзены статус рэзідэнтаў Цэнтра прыцягнення Igrow. Удзельнікам, якія занялі 1-е месцы ў намінацыі "Лепшая бізнес-ідэя" і якія з'яўляюцца індывідуальнымі прадпрымальнікамі, - выгадныя ўмовы крэдытавання.
Белаграпрамбанк віншуе пераможцаў "АГРА 3.0" і запрашае ўсіх удзельнічаць у новых адукацыйных праектах і ініцыятывах!