"Вакцынацыя ад COVID: ад групавой да масавай". Адбыўся адкрыты круглы стол Саюза жанчын ААТ "Белаграпрамбанк"
23 чэрвеня 2021 года ў Белаграпрамбанку адбыўся адкрыты круглы стол на тэму "Вакцынацыя ад COVID: ад групавой да масавай", арганізаваны па ініцыятыве Аб'яднанай арганізацыі ААТ "Белаграпрамбанк" ГА "БСЖ" пры садзейнічанні Аб'яднанай прафсаюзнай арганізацыі банка.
У працы круглага стала прынялі ўдзел першы намеснік Mіністра аховы здароўя Рэспублікі Беларусь, Старшыня грамадскага аб'яднання «Беларускі саюз жанчын» - Багдан Алена; прафесар, доктар эканамічных навук, член Праўлення ГА "БСЖ" - Морава Антаніна, доктар медыцынскіх навук, дацэнт кафедры інфекцыйных хвароб Беларускага дзяржаўнага медыцынскага ўніверсітэта - Лукашык Святлана, прадстаўнікі Саюза жанчын банка. У рэжыме відэаканферэнцыі на сувязі былі прадстаўніцы жаночай арганізацыі з усіх рэгіёнаў і амаль усіх ЦБУ банка больш за 200 чалавек.
Да пачатку абмеркавання тэмы перад удзельнікамі круглага стала выступіла старшыня пярвічнай арганізацыі ГА «БСЖ» «Рэспубліканскага шпіталя інвалідаў і ветэранаў ВАВ ім. П.М. Машэрава” са словамі падзякі ад усяго калектыву шпіталя ў адрас Аб'яднанай арганізацыі ААТ “Белаграпрамбанк” ГА “БСЖ” за падтрымку медыцынскіх работнікаў у перыяд пандэміі. Яна ўручыла Саюзу жанчын банка падзяку, памятны знак і цудоўны букет, зроблены рукамі ўрачоў.
У перыяд падрыхтоўкі круглага стала Саюз жанчын банка прааналізаваў пытанні, якія паступілі ад работнікаў банка, іх было каля 70, і згрупаваў у тры актуальныя групы. Гэта дазволіла пазначыць найважнейшыя моманты адносна вакцынацыі ад COVID, хвалюючыя ў наш час практычна ўсіх. Якія катэгорыі насельніцтва могуць прывівацца, ці ёсць супрацьпаказанні, як паступаць людзям з хранічнымі захворваннямі, віды вакцын на медыцынскім рынку рэспублікі - вось малая частка пытанняў, на якія супрацоўніцы банка атрымалі адказы з першых вуснаў. Асобны блок пытанняў датычыўся прафілактыкі, наступстваў ковід захворванняў і рэабілітацыйных мерапрыемстваў.
Алена Богдан рэзюмавала: “Вакцынавацца трэба. Вакцына ёсць. Прыслухоўвайцеся да свайго стану, зважайце на самаадчуванне сваіх дзяцей. Калі ёсць пытанні, то прымайце рашэнні толькі пасля кансультацыі з лекарамі».
Тэма круглага стала аказалася вельмі актуальнай, што пацвярджалася патокам пытанняў, якія паступалі падчас яго правядзення.
У перыяд пандэміі вельмі лёгка "патануць" у струмені інфармацыі, часам няпроста вырашыць сумненні. Менавіта таму прадстаўнікі Саюза жанчын Белаграпрамбанка выказалі падзяку экспертам, удзельнікам круглага стала, за вычарпальную інфармацыю, растлумачэнні і рэкамендацыі. Сустрэчы такога кшталту ў клопаце пра здароўе жанчын плануецца рабіць традыцыйнымі.
