Асцярожна! Махлярскія схемы з выкарыстаннем тэлефонаў і мэсэнджараў
Паважаныя трымальнікі картак ААТ «Белаграпрамбанк»!
У сувязі з актыўнасцю махляроў нагадваем:
Пад выглядам супрацоўнікаў банка вам могуць тэлефанаваць махляры! Супрацоўнікі банка не запытваюць у кліентаў коды і паролі доступу, нумары банкаўскіх картак. У выпадку, калі вас просяць паведаміць код з смс-паведамлення для правядзення або адмены якой-небудзь аперацыі - гэта махлярскія дзеянні!
Памятайце: ні ў якім разе нельга паведамляць каму-небудзь коды з смс-паведамленняў, рэквізіты банкаўскай плацежнай карткі, паролі і коды доступу, пашпартныя дадзеныя і іншую канфідэнцыйную інфармацыю!
Звяртаем таксама вашу ўвагу, што Банк выкарыстоўвае мэсэнджары толькі для інфармавання кліентаў і ніколі для званкоў.
Таксама інфармуем вас, што ў мэсэнджары Telegram могуць выкарыстоўвацца спецыяльныя праграмы (боты), якія дазваляюць падмяняць нумары зыходзячых выклікаў і нават змяняць голас. Злачынец можа ўказаць у боце тэлефон, які належыць абаненту са спіса кантактаў патэнцыйнай ахвяры. У гэтым выпадку пры званку ў ахвяры адлюструецца занатаванае імя. Схема небяспечная тым, што махляр можа прадставіцца сваяком, сябрам ці працадаўцам.
Часта зламыснікі, выкарыстоўваючы падмену нумара, прадстаўляюцца службай бяспекі банка і ў ходзе размовы ўгаворваюць ахвяру перадаць канфідэнцыйныя дадзеныя (пашпартныя дадзеныя, значэнні SMS-кодаў, рэквізіты карткі і г.д.) або самастойна перавесці грошы на рахунак махляра.
Апрача таго, для атрымання вашых персанальных дадзеных махляры могуць прадастаўляць спасылкі на падробленыя сайты Банка і Інтэрнэт-Банкінгу, а атрыманую інфармацыю выкарыстоўваць для вываду грашовых сродкаў.
Не пераходзьце па Інтэрнэт-спасылках, атрыманых ад невядомых асоб!
Звяртаем вашу ўвагу, што адрасы афіцыйнага сайта Банка і Інтэрнэт-Банкінгу ў сеціве: www.belapb.by і www.ibank.belapb.by. Падробленыя ж спасылкі часта ўтрымліваюць дамен другога ўзроўню (да прыкладу, ibank.belapb.erip24.by).
У выпадку, калі махлярам усё ж удалося атрымаць звесткі пра рэквізіты вашай карткі, для прадухілення крадзяжу сродкаў Вам неабходна як мага хутчэй заблакіраваць картку! Гэта можна зрабіць кругласутачна з дапамогай званка ў Службу сэрвісу кліентаў ААТ "Банкаўскі працэсінгавы цэнтр" па нумары +375 (17) 299-25-25 або самастойна ў Інтэрнэт-банкінгу / Мабільным прыкладанні.
У выпадку выяўлення падазроных аперацый з выкарыстаннем вашай плацежнай карткі патэлефануйце на кароткі нумар Кантакт-цэнтра банка 136 або па ўказаных нумарах:
Life:)
Час працы Кантакт-цэнтра:
працоўныя дні - 8.00-20.00;
выходныя і святочныя дні - 8.00-18.00.
Праўдзівую інфармацыю пра прадукты ААТ "Белаграпрамбанк", а таксама рэкламныя кампаніі і акцыі можна даведацца на афіцыйным сайце Банка www.belapb.by і па тэлефоне Кантакт-цэнтра 136.
