Даступны новы крэдыт для фермераў Віцебскай вобласці!

Новыя магчымасці фінансавай падтрымкі сялянскіх (фермерскіх) гаспадарак (СФГ) Віцебскай вобласці прапануе ААТ "Белаграпрамбанк" сумесна з Віцебскім абласным выканаўчым камітэтам.

Белаграпрамбанк прапануе фермерам Віцебскай вобласці выгаднае фінансаванне пад 3 працэнты гадавых за кошт сродкаў Віцебскага абласнога выканаўчага камітэта і раённых выканаўчых камітэтаў Віцебскай вобласці ў рамках пілотнага праекта "Развіццё фермерскай гаспадаркі на тэрыторыі Віцебскай вобласці".

Льготны крэдыт можа быць прадастаўлены сялянскім (фермерскім) гаспадаркам, зарэгістраваным на тэрыторыі Віцебскай вобласці, якія ажыццяўляюць вытворчасць раслінаводчай і (або) жывёлагадоўчай прадукцыі, рыбалоўства і рыбаводства, якія пашыраюць вытворчасць і пры гэтым уцягваюць у гаспадарчы абарот фермы і іншыя збудаванні, якія не выкарыстоўваюцца, а таксама дробнаконтурныя землі.

Крэдытная падтрымка аказваецца ў суме да 1,0 млн. бел. руб. на тэрмін да 3 гадоў у бягучую дзейнасць і да 7 гадоў - на інвестыцыі.

Пры суме фінансавання да 20 тыс. долараў ЗША ў эквіваленце магчымы аблегчаны спосаб забеспячэння па крэдыце - даручальніцтва кіраўніка СФХ і няўстойка.

Больш падрабязна аб умовах крэдытавання можна даведацца ў раздзеле Фінансаванне сайта Белаграпрамбанка.