Конкурс інвестыцыйных праектаў суб'ектаў малога прадпрымальніцтва г. Мінска
Увазе суб'ектаў малога прадпрымальніцтва, зарэгістраваных на тэрыторыі г. Мінска!
У адпаведнасці з Указам Прэзідэнта Рэспублікі Беларусь ад 21 мая 2009 г. нумар 255 "Аб некаторых мерах дзяржаўнай падтрымкі малога прадпрымальніцтва" Мінгарвыканкам праводзіць конкурс інвестыцыйных праектаў суб'ектаў малога прадпрымальніцтва г. Мінска для прадастаўлення дзяржаўнай фінансавай падтрымкі.
Віды дзяржаўнай фінансавай падтрымкі:
- субсідыя для кампенсацыі часткі працэнтаў за карыстанне банкаўскімі крэдытамі;
- субсідыя для кампенсацыі часткі расходаў на выплату лізінгавых плацяжоў па дагаворах фінансавай арэнды (лізінгу) у частцы аплаты сумы ўзнагароджання (даходу) лізінгадаўцы.
У рамках пагаднення, заключанага паміж ААТ "Белаграпрамбанк" і Мінгарвыканкамам, арганізацыі - пераможцы конкурсу інвестпраектаў будуць атрымліваць дзяржаўную фінансавую падтрымку праз Белаграпрамбанк.
Дзяржаўная фінансавая падтрымка прадастаўляецца суб'ектам малога прадпрымальніцтва на конкурснай аснове пры рэалізацыі імі інвестыцыйных праектаў, бізнес-праектаў па наступных напрамках:
- стварэнне, развіццё і пашырэнне вытворчасці тавараў (работ, паслуг);
- арганізацыя, развіццё вытворчасці, рэалізацыя экспартаарыентаванай, імпартазамяшчальнай прадукцыі;
- вытворчасць прадукцыі, накіраванай на энерга- і рэсурсазберажэнне;
- укараненне новых тэхналогій.
Абавязковай умовай аказання дзяржаўнай фінансавай падтрымкі на конкурснай аснове суб'ектам малога прадпрымальніцтва з'яўляецца стварэнне новых працоўных месцаў.
Заяўкі на ўдзел у конкурсе прымаюцца з 03.10.2022 па 03.11.2022 уключна.
Час і месца прыёму заявак: штодзень, акрамя выхадных дзён, з 8.45 да 18.00, у пятніцу з 8.45 да 16.45 па адрасе: пр. Незалежнасці, 8, 220030, г. Мінск, або па пошце.
Падрабязнасці аб умовах прадастаўлення дзяржаўнай фінансавай падтрымкі глядзіце на інфармацыйным рэсурсе "Бізнес партал Мінска", афіцыйным сайце Мінгарвыканкама і ў Instagram (@minsk.invest).
Тэлефоны для атрымання кансультацыі аб прадастаўленні дзяржаўнай фінансавай падтрымкі (аддзел прадпрымальніцтва камітэта эканомікі Мінгарвыканкама): 8 (017) 218 02 75; 8 (017) 218 02 65).
Таксама нагадваем, што з пералікам крэдытных прадуктаў ААТ "Белаграпрамбанк", даступных для прадстаўнікоў малога бізнесу, можна азнаёміцца на сайце банка ў раздзеле "Малому і сярэдняму бізнесу", у аддзяленнях банка, а таксама па тэлефоне Кантакт-цэнтра банка 136.
