Стартаваў прыём заявак на ўдзел у Рэспубліканскім конкурсе "АГРА 3.0"

Гэтай вясной Белаграпрамбанк у чарговы раз стане месцам сустрэчы тых, у каго, магчыма, яшчэ няма вопыту, затое ёсць ідэі, амбіцыі і жаданне рэалізаваць свае здольнасці, з вядучымі экспертамі і прадстаўнікамі бізнес-супольнасцей нашай краіны.

З 15 сакавіка па 30 чэрвеня 2021 года Белаграпрамбанк сумесна з Аб'яднанай прафсаюзнай арганізацыяй банка правядзе Рэспубліканскі адукацыйны конкурс па падтрымцы і развіцці моладзевага прадпрымальніцтва "АГРА 3.0".

Стаць удзельнікамі конкурсу і пазмагацца за галоўныя прызы могуць маладыя людзі ва ўзросце ад 18 да 31 года як індывідуальна, так і ў складзе каманды студэнтаў і навучэнцаў 2-4-х курсаў дзённых аддзяленняў вышэйшых і сярэдніх спецыяльных устаноў адукацыі нашай краіны.

Удзельнічаць у конкурсе можна як з гатовай бізнес-ідэяй, так і з кейс-рашэннем, распрацаваным на працягу конкурсу на практычнае заданне ад рэальных прадстаўнікоў малога і сярэдняга бізнесу.

Намінацыя "Найлепшае кейс-рашэнне" ў наступных катэгорыях:

• "Сельская гаспадарка" і фермерства";
• "Сфера паслуг";
• "Сацыяльнае прадпрымальніцтва".

Галоўны прыз - 5 000 беларускіх рублёў.

Намінацыя "Найлепшая бізнес-ідэя" ў наступных катэгорыях:

• "Інавацыйны банкаўскі сэрвіс, новы банкаўскі прадукт";
• "Экалогія";
• "Лічбавізацыя бізнесу".

Галоўны прыз - 15 000 беларускіх рублёў.

І гэта яшчэ не ўсё!

Пераможца, які заняў 1 месца ў конкурсе ў намінацыі "Найлепшая бізнес-ідэя" ў катэгорыі "Экалогія", будзе мець права звярнуцца па крэдыт на рэалізацыю ўласнай бізнес-ідэі на суму да 20 000 беларускіх рублёў тэрмінам да 3-х гадоў, з устанаўленнем працэнтнай стаўкі за карыстанне крэдытам 0,1% гадавых і з магчымасцю адтэрміноўкі пагашэння асноўнага доўгу на працягу 1 года з моманту прадастаўлення крэдыту.

Апрача гэтага, усе фіналісты будуць мець магчымасць узяць удзел у кансультацыйных сустрэчах, якія будуць праводзіць вопытныя бізнес-трэнеры, а таксама стануць рэзідэнтамі Цэнтра прыцягнення «Igrow» Белаграпрамбанка.

Заяўкі на ўдзел у конкурсе ў тэрмін да 22.04.2021 неабходна адправіць на электронны адрас rec@belapb.b (звяртаем увагу, што ў конкурсе бяруць удзел у тым ліку каманды з 2-х чалавек і выкладчыка з ліку супрацоўнікаў установы адукацыі, таму заяўку трэба запоўніць усім членам каманды, форму заяўкі можна знайсці па спасылцы).

Не забудзьцеся стаць падпісчыкам HR-акаўнта "Праца ў Белаграпрамбанк"!

Чакаем вашых заявак!