Званнем "Жанчына года - 2020" уганаравана супрацоўніца Белаграпрамбанка
20 сакавіка ў Мінску ўзнагародзілі фіналістак рэспубліканскага конкурсу "Жанчына года - 2020", які штогод ладзіцца пад эгідай Беларускага саюза жанчын. Гэта ўжо 13-ы па ліку конкурс. Сярод 46 пераможцаў - супрацоўніца Белаграпрамбанка, намеснік начальніка Цэнтра банкаўскіх паслуг №338 у г. Мазыр Людміла Старасотнікава.
Усяго ў конкурсе "Жанчына года - 2020" узялі ўдзел больш за 360 жанчын з розных куткоў краіны, 46 з якіх сталі пераможцамі. Сярод удзельніц конкурсу - кіраўнікі буйных прадпрыемстваў, медыкі, педагогі, шматдзетныя мамы, прадстаўніцы разнастайных сфер жыцця. У намінацыі "Актыўная грамадзянская пазіцыя" адной з фіналістак стала прадстаўніца Белаграпрамбанка - намеснік начальніка Цэнтра банкаўскіх паслуг № 338 у г. Мазыр Людміла Старасотнікава.
![Сярод 46 пераможцаў конкурсу "Жанчына года - 2020" - супрацоўніца Белаграпрамбанка, намеснік начальніка Цэнтра банкаўскіх паслуг № 338 у г. Мазыр Людміла Старасотнікава.](/upload/sprint.editor/bb6/g78m0xfpvn8e5zk7j9e2vi4frqdpcklm/D1_81_D1_82_D0_B0_D1_80_D0_BE_D1_81_D0_BE_D1_82_D0_BD_D0_B8_D0_BA_D0_BE_D0_B2_D0_B0_20_D0_BB_D1_8E_D0_B4_D0_BC_D0_B8_D0_BB_D0_B0.jpg)
Людміла Міхайлаўна любіць паўтараць: "І няхай мой уклад і мае маленькія справы не заўжды бачныя і значныя, але, як з ручайкоў атрымліваецца рака, так з сотні маленькіх спраў атрымліваецца вялікае, добрае і карыснае. Дабро заўжды незабыўнае. Калі штодзень робяцца маленькія справы, свет ад гэтага робіцца больш светлым і добрым".
Супрацоўніцтва з ГА "Беларуская асацыяцыя дапамогі дзецям-інвалідам і маладым інвалідам" у г. Мазыр, адкрыццё грамадскага цэнтра сацыяльных паслуг "Асаблівае сэрца", Марафон дабра па зборы грашовых сродкаў у падтрымку грамадскага руху ў барацьбе з COVID-19, удзел у праекце "Жаночы твар Перамогі", прысвечаным 75-годдзю перамогі ў Вялікай Айчыннай вайне, - вось далёка не ўсе праекты, у якіх за гады працы ў банку ўзяла актыўны ўдзел Людміла Старасотнікава. Людміла Міхайлаўна была высока ацэнена Беларускім саюзам жанчын за ўклад у развіццё жаночага грамадскага руху і ўдзелу жанчын ва ўсіх сферах жыцця грамадства, развіццё жаночых ініцыятыў у розных кірунках дзейнасці, духоўна-этычнага патэнцыялу і прынцыпаў грамадзянскасці.
![Супрацоўніца Белаграпрамбанка Людміла Старасотнікава стала адной з пераможцаў у намінацыі "Актыўная грамадзянская пазіцыя".](/upload/sprint.editor/9e2/1z1c8lmv3p45ggzdhzga54ntmi93p33x/D0_B6_D0_B5_D0_BD_D1_89_D0_B8_D0_BD_D0_B0_20_D0_B3_D0_BE_D0_B4_D0_B0_202020.jpg)