Апісанне Палітыкі інфармавання

Палітыка інфармавання распрацавана з мэтай павышэння якасці карпаратыўнага кіравання, забеспячэння выканання заканадаўства, лакальных прававых актаў ААТ «Белаграпрамбанк» (далей — банк), этычных нормаў (правілаў), прадухілення карупцыйных, махлярскіх і іншых супрацьпраўных дзеянняў, прыняцця належных мер пры выяўленні канфлікту інтарэсаў і (або) умоў яго ўзнікнення і вызначае агульны парадак інфармавання.

Якасная рэалізацыя Палітыкі інфармавання накіравана на арганізацыю належнай сістэмы ўнутранага кантролю, своечасовае выяўленне і ўпярэджанне выпадкаў уцягвання работнікаў (у тым ліку кіраўнікоў усіх узроўняў) банка, работнікаў, кіраўнікоў і заснавальнікаў (удзельнікаў, уласнікаў маёмасці) арганізацый-удзельнікаў банкаўскага холдынга ў ажыццяўленне незаконных і (або) неэтычных дзеянняў.

У адпаведнасці з Палітыкай інфармавання работнікам і кіраўнікам усіх узроўняў банка, арганізацый-удзельнікаў банкаўскага холдынга, кліентам або іншым асобам забяспечваецца магчымасць бесперашкоднага і аператыўнага інфармавання (у тым ліку з абавязковай магчымасцю на ўмовах ананімнасці) пра ажыццяўленне незаконных і (або) неэтычных дзеянняў у дзейнасці банка, банкаўскага холдынга па наступных каналах апавяшчэння, якія функцыянуюць у банку:

звароты грамадзян, юрыдычных асоб у электроннай або пісьмовай форме, у тым ліку заўвагі і (або) прапановы, унесеныя ў кнігі заўваг і прапаноў;
асабісты прыём грамадзян, іх прадстаўнікоў, прадстаўнікоў юрыдычных асоб;
прамыя тэлефонныя лініі, якія праводзяцца старшынёй праўлення банка, першым намеснікам старшыні праўлення банка, намеснікам старшыні праўлення банка;
«Гарачая лінія» для работнікаў банка;
інфармаванне службовай асобы, адказнай за ўнутраны кантроль у банку (асобы, якая яе замяшчае);
электронныя каналы сувязі банка (рубрыка «Зваротная сувязь» на інтэрнэт-сайце банка, карпаратыўная электронная пошта, сацыяльныя сеткі, відэахостынг, інфармацыйныя парталы і пошукавыя сеткі ў глабальнай камп'ютарнай сетцы Інтэрнэт);
прамое інфармаванне старшыні аўдытарскага камітэта, створанага наглядальным саветам банка (калі дзеянні звязаныя з дзейнасцю кіраўніка банка, службовай асобы, адказнай за ўнутраны кантроль у банку, кіраўнікоў і заснавальнікаў (удзельнікаў, уласнікаў маёмасці) арганізацый-удзельнікаў банкаўскага холдынга).

Інфармацыя пра факты незаконных і (або) неэтычных дзеянняў, якая паступіла на каналы апавяшчэння і (або) упаўнаважаным асобам (органам) банка любога ўзроўню і стала вядомай у рамках ажыццёўленых разглядаў, з'яўляецца канфідэнцыяльнай і не падлягае выдаванню, за выключэннем выпадкаў, прадугледжаных заканадаўствам.

Зводная інфармацыя пра рэалізацыю Палітыкі інфармавання прадстаўляецца на разгляд аўдытарскім камітэтам, наглядальным саветам банка, пры гэтым:

аўдытарскі камітэт праводзіць маніторынг рэалізацыі ў банку мер, прынятых па фактах інфармавання пра незаконныя і (або) неэтычныя дзеянні работнікаў і іншыя парушэнні;
наглядальны савет банка разглядае пытанні, звязаныя з рэалізацыяй Палітыкі інфармавання, у тым ліку дае ўказанні праўленню банка па выпраўленні выяўленых парушэнняў.