Ашчадныя сертыфікаты

Ашчадны сертыфікат ААТ «Белаграпрамбанк» — гэта каштоўная папера, якая сведчыць суму ўкладу, унесенага ў банк і правы ўкладчыка (фізічнай асобы-трымальніка сертыфіката) або яго правапераемніка на атрыманне пасля заканчэння ўстаноўленага тэрміну сумы ўкладу і працэнтаў па ім у любым філіяле (аддзяленні) банка.

Ашчадныя сертыфікаты могуць быць імянныя і на прад'яўніка, намінаваныя толькі ў беларускіх рублях.

Уласнікамі ашчадных сертыфікатаў могуць быць рэзідэнты і нерэзідэнты Рэспублікі Беларусь у адпаведнасці з заканадаўствам Рэспублікі Беларусь.

Разлікі па выпуску, абарачэнні і пагашэнні ашчадных сертыфікатаў ажыццяўляюцца як у безнаяўным парадку, так і наяўнымі грашовымі сродкамі ў адпаведнасці з заканадаўствам Рэспублікі Беларусь.

Перавагі ашчаднага сертыфіката:

• працэнтная стаўка па сертыфікаце з'яўляецца толькі фіксаванай;
• спрошчаны парадак афармлення дагавора саступкі права патрабавання (цэсіі);
• магчымасць атрымання грашовых сродкаў і працэнтаў па адшчадным сертыфікаце ў любым аддзяленні банка, незалежна ад таго, дзе сертыфікат выпушчаны.

Умовы прыцягнення грашовых сродкаў фізічных асоб у нацыянальнай валюце пры дапамозе выпуску ашчадных сертыфікатаў ААТ "Белаграпрамбанк" (з 27.06.2018).

Рашэннем Камітэта па кіраванні актывамі і пасівамі ААТ "Белаграпрамбанк" выпуск спынены з 29.10.2018