Аграэкатурызм

Калі вы плануеце зарэгістравацца ў якасці суб'екта аграэкатурызму, Вам неабходна прадставіць у раённы выканаўчы камітэт пісьмовую заяву аб ажыццяўленні дзейнасці па аказанні паслуг у сферы аграэкатурызму па форме, устаноўленай Міністэрствам спорту і турызму Рэспублікі Беларусь.

ААТ «Белаграпрамбанк» прадастаўляе крэдытную падтрымку суб'ектам аграэкатурызму для развіцця Праектаў у сферы аграэкатурызму ў адпаведнасці з патрабаваннямі Указа Прэзідэнта Рэспублікі Беларусь ад 2 чэрвеня 2006 г. № 372 «Аб мерах па развіцці аграэкатурызму ў Рэспубліцы Беларусь», Указа Прэзідэнта Рэспублікі Беларусь ад 04.10.2022 № 351 «Аб развіцці аграэкатурызму».

Крэдыты суб'ектам аграэкатурызму ў рамках Праектаў, якія рэалізуюцца, прадастаўляюцца на наступныя мэты:

пераўладкаванне і (ці) перапланіроўку, рэканструкцыю, рамонт жылых і падсобных памяшканняў жылога дома, прызначанага для прыёму і размяшчэння аграэкатурыстаў (набыццё неабходных таварна-матэрыяльных каштоўнасцяў, выкананне некаторых відаў будаўнічых работ);

будаўніцтва і рамонт гасцявых домікаў і іншых аб'ектаў інфраструктуры, якія з'яўляюцца прыналежнасцямі жылога дома для забеспячэння часовага знаходжання аграэкатурыстаў (набыццё неабходных таварна-матэрыяльных каштоўнасцяў, выкананне некаторых відаў будаўнічых работ);

будаўніцтва, рэканструкцыю, пераўладкаванне і (ці) перапланіроўку, рамонт нежылых будоўляў на прысядзібнай тэрыторыі жылога дома;

аплату абсталявання, інвентару і іншай маёмасці, неабходнай для аказання паслуг у сферы аграэкатурызму (прадметаў бытавога, культурна-бытавого і фізкультурна-спартыўнага прызначэння і да т. п.).

Крэдытаванне суб'ектаў аграэкатурызму

Фізічныя асобы падрабязней

Сельскагаспадарчыя арганізацыі падрабязней

Зямельныя ўчасткі для размяшчэння аб'ектаў турыстычнай сферы:

Браслаўскі раён

Браслаўскі выканкам выдзеліў 100 зямельных участкаў на тэрыторыі адной з самых маляўнічых мясцін дзяржавы для размяшчэння аб'ектаў турыстычнай сферы ў мэтах развіцця турызму, аграэкатурызму і турыстычнай інфраструктуры: гасцявыя дамы, гасцініцы, дамы адпачынку, база адпачынку, сельская сядзіба, турыстычныя базы і інш.

Зямельныя ўчасткі размешчаныя ў найбольш прывабных мясцінах — паблізу азёр, рэк і лясных масіваў. Прынятае распараджэнне па праекце развіцця рэгіёна спрашчае працэдуру прадастаўлення інвестарам зямельных участкаў (не патрабуецца ўзгадненне з Кіраўніком дзяржавы).

Падрабязней чытайце тут.

Ушацкі раён

Ушацкі раён — маляўнічы край лясоў і азёр. У мэтах пашырэння турыстычнай дзейнасці раён зацікаўлены ў выкарыстанні прыродных рэсурсаў і прыцягненні інвестараў.

Для гэтага ёсць 44 прапановы па зямельных участках плошчай ад 1 да 7 га, якія ў адпаведнасці з распараджэннем Прэзідэнта Рэспублікі Беларусь ад 12.06.2017 № 92рп «Аб узгадненні прадастаўлення зямельных участкаў» могуць быць прадастаўленыя інвестару для стварэння турыстычных аб'ектаў (базы адпачынку, турыстычнай базы, гасцявых домікаў, домікаў паляўнічага ці рыбалова, аграэкатурызму і інш.) без дадатковага ўзгаднення з Кіраўніком дзяржавы.

Зямельныя ўчасткі падабраныя ў найбольш прывабных мясцінах паблізу азёр, рэк, лясных масіваў. Падрабязней чытайце тут.

Пастаўскі раён

У мэтах развіцця турызму ў Віцебскай вобласці, у тым ліку аграэкатурызму, і турыстычнай інфраструктуры, прыцягнення інвестараў у гэту сферу, распараджэннем Прэзідэнта Рэспублікі Беларусь Лукашэнка А. Р. ад 13 чэрвеня 2017 г. № 92 рп «Аб узгадненні прадастаўлення зямельных участкаў» узгоднена прадастаўленне 14 зямельных участкаў агульнай плошчаю 50,23 гектараў на тэрыторыі Пастаўскага раёна для размяшчэння аб'ектаў турыстычнай сферы, у тым ліку аграэкатурызму.

Стварэнне новых аб'ектаў турызму дазволіць найбольш эфектыўна выкарыстоўваць існуючыя турыстычныя рэсурсы і прыродны патэнцыял раёна, стварыць турыстычныя аб'екты, якія дазваляюць у поўным аб'ёме задаволіць патрэбнасці беларускіх і замежных турыстаў з улікам рацыянальнага выкарыстання прыродных рэсурсаў раёна.

Зямельныя ўчасткі падабраныя ў найбольш прывабных мясцінах — паблізу азёр, рэк, лясных масіваў. Падрабязней чытайце тут.

Расонскі раён

Расонскім раённым выканаўчым камітэтам прадастаўлена 17 зямельных участкаў на тэрыторыі Расонскага раёна для размяшчэння аб'ектаў турыстычнай сферы, у тым ліку аграэкатурызму.

Зямельныя ўчасткі падабраныя ў мясцінах, якія здаўна з'яўляюцца прывабнымі для насельніцтва і карыстаюцца ў яго попытам для таго, каб бавіць там вольны час і адпачываць.

Стварэнне новых аб'ектаў турызму будзе садзейнічаць даступнасці турызму, развіццю ўнутранага турызму Расонскага раёна, дазволіць стварыць новыя рабочыя месцы і забяспечыць грамадзянам паўнацэнны адпачынак у экалагічна чыстых кутках раёна. Дазволіць найбольш эфектыўна выкарыстоўваць існуючыя турыстычныя рэсурсы і прыродны патэнцыял раёна, стварыць турыстычныя аб'екты, якія дазваляюць у поўным аб'ёме задаволіць патрэбнасці беларускіх і замежных турыстаў з улікам рацыянальнага выкарыстання прыродных рэсурсаў раёна. Падрабязней чытайце тут.

Лепельскі раён

Лепельшчына — цудоўны край беларускай зямлі, размешчаны на поўдні Віцебскай вобласці, які славіцца сваімі азёрамі і лясамі.
Лепельскім раённым выканаўчым камітэтам прадастаўлена 28 зямельных участкаў на тэрыторыі Лепельскага раёна для размяшчэння аб'ектаў турыстычнай сферы, у тым ліку аграэкатурызму.

Зямельныя ўчасткі падабраныя ў мясцінах, якія здаўна з'яўляюцца прывабнымі для насельніцтва і карыстаюцца ў яго попытам для таго, каб бавіць там вольны час і адпачываць. Азнаёміцца з інфармацыяй Лепельскага райвыканкама аб зямельных участках для размяшчэння аб'ектаў турыстычнай сферы можна тут.

Мёрскі раён

Мёрскі раён — куток Беларускага Паазер’я. У раёне 96 вадаёмаў, у тым ліку 83 возера.
Мёрскім раённым выканаўчым камітэтам прадастаўлена 6 зямельных участкаў на тэрыторыі раёна для размяшчэння аб'ектаў турыстычнай сферы, у тым ліку аграэкатурызму.

Зямельныя ўчасткі падабраныя ў маляўнічых мясцінах, папулярных у насельніцтва, каб бавіць там вольны час і адпачываць. Азнаёміцца з інфармацыяй Мёрскага райвыканкама аб зямельных участках для размяшчэння аб'ектаў турыстычнай сферы можна тут.